Педагогика және психология

ПЕДАГОГИКА ЖӘНЕ ПСИХОЛОГИЯ КАФЕДРАСЫ

 

          

           

           Арзымбетова Шолпан Жақсылыққызы

           Кафедра меңгерушісі

           Педагогика ғылымдарының кандидаты, доцент

           А.Байтұрсынов 13

           sh.zh.@mail.ru

 

 

 

 

 

       

 

 

 

 

        Педагогика және психология кафедрасы өз алдына дербес құрылым ретінде  Шымкент педагогикалық институтының  құрамында 1937ж. ашылған. Осы уақыт аралығында кафедраны ғылым кандидаттары  Б.НурлыбековЖ.Махашев, Ж.Ысқақов, У.Жарқынбеков, К.Қаражігітова, І.С.Сманов, С.Тілеуова, Қ.Қойшиев, М.Сыдықов басқарған.

2011-2012 оқу жылында Оңтүстiк Қазақстан мемлекеттiк педагогикалық институтының Кеңейтілген ғылыми кеңесінің шешімімен №1, 29.08.11ж. «Психология» кафедрасы болып құрылды.

Кафедраны 2011-2015 оқу жылдарында М.В.Ломоносов атындағы Мәскеу Мемлекеттік Университеті «Психология» факультетінің түлегі, п.ғ.к. Қойшиев Қалдан Елеуұлы басқарды.

Қазіргі таңда, кафедраны педагогика ғылымдарының кандидаты,  доцент, Қазақстан Республикасының ғылымын дамытуға сіңірген еңбегі үшін Ы.Алтынсарин атындағы, Білім беру саласындағы айрықша еңбегі үшін "Ұлағатты ұстаз" төсбелгілерінің иегері Ш.Ж.Арзымбетова  басқарады.

      «Педагогика және психология» кафедрасында 5В010300 – Педагогика және психология; 5В012300 – Әлеуметтік педагогика және өзін-өзі тану мамандықтары дайындалады. Кафедрада сабақ жүргізетін профессор оқытушылардың ғылыми дәрежелері жоғары және жетекші оқу орындарында бірнеше жыл жұмыс істеген білікті, тәжірибелі мамандар: М.В.Ломоносов атындағы Мәскеу Мемлекеттік Университеті «Психология» факультетінің түлегі, п.ғ.к., Қ.Е.Қойшиев, Отандық педагогика ғылымының дамуына сүбелі үлес қосып жүрген педагогика ғылымының докторы, профессорлар   І.С.Сманов, А.Ш.Досбенбетова, Г.Т.Мусабекова, Еңбек ардагерлері К.Н.Қаражігітова, С.С.Тілеуова, Ұ.Есім, Г.Оразымбетова, А.Алдияров, сонымен қатар жас буын ғалымдар  Ш.Ж.Арзымбетова, Л.П.Әбішева, Г.Б.Таутаева, А.З.Әліпбек, Г.А.Бахрамова, М.Е.Сыдыков, аға оқытушылар А.С.Ортаева,  Г.Т.Айтжанова,  Ж.Д.Абдуллаева, Қ.Ш.Алимова және магистрлер А.Н.Сейдаева, А.С.Үсіпбекова, А.Умбеталиева, М.М.Досанова, Ә.О.Естаева,  Ж.А.Мамытбаева,  Г.С.Шазилдаева қызмет атқарады.

Кафедрада 3 ғылым докторы, профессор, 12 ғылым кандидаты мен доценті,  4 аға оқытушы,  7 магистр-оқытушылар еңбек етуде. Кафедраның ғылыми әлеуеті – 65% құрайды.

«Педагогика және психология» кафедрасының оқытушылары оқулықтар мен оқу-әдістемелік құралдарының авторлары ретінде республикаға танымал ғалымдар.

«Педагогика және психология» кафедрасының оқытушы-профессорлар құрамы біліктілігін арттыру мақсатында шетелдік жоғары оқу орындарымен тығыз байланыс орнатып келеді.  Атап айтқанда доцент Ш.Ж.Арзымбетова, п..ғ.к., аға оқытушы Г.Б.Таутаева Валенция (Валенция, Испания) университетінде,  магистр А.Умбеталиева (Партугалия) Техникалық университетінде біліктіліктерін жоғарылатып келді. Сонымен қатар кафедраның аға оқытушылары  Қ.Ш.Алимова "Бөбек" ұлттық ғылыми-практикалық білім беру және сауықтыру орталығы өткізген  "Өзін-өзі тану" пәні бойынша эксперт және Ж.Д.Абдуллаева тренер базалық деңгейлеріне көтерілді.