Тарихы

ФИЗИКА - МАТЕМАТИКА КАФЕДРАСЫ

Кафедра меңгерушісі - Қадірбаева Роза Ізтілеуқызы ​

1.  Аты: Қадірбаева Роза Ізтілеуқызы 

2. Білімі:  жоғары, С.Киров атындағы ҚазМУ (1983), педагогика ғылымдарының кандидаты (1996), доцент (2002), педагогика ғылымдарынығ докторы (2012). ОҚМПИ-да 2014 жылдан бастап қызмет атқарады, оқытатын пәндері: математиканы оқытудың инновациялық технологиялары, информатиканы оқыту әдістемесі.

3. Академиялық тәжірибе: Жезқазған педагогикалық институтының оқытушысы (1983-1990),  М.Әуезов атындағы Чимкент педагогикалық институтының аға оқытушысы  (1990-1995), Қ.А.Ясауи атындағы Халықаралық қазақ-түрік  университетінде орталық бастығы, декан, вице-президент (1995-2013), «Біліктілік арттырудың ұлттық орталығы «Өрлеу» АҚ Оңтүстік Қазақстан облысының филиалында кафедра меңгерушісі (2013-2014),  2014 жылдан бастап бүгінге дейін ОҚМПИ-ның «Информатика»  кафедрасының доценті, «Ғылыми-зерттеу бағдарламаларын сараптау орталығының» басшысы және 2016 жылдың ақпан айынан бастап «Тарих және педагогика» факультетінің деканы.

4. Академиялық емес тәжірибе:  жоқ

5. Куәлік немесе кәсіби тіркелімі: - 2014 жыл. Курс «Қашықтықтан оқыту: тьюторлар мектебі». М. Әуезов атындағы ОҚМУ (36 сағат); 2015 жыл. «ҚР ЖОО-ның педагогикалық мамандықтар оқытушыларының біліктілігін арттыру» бағдарламасы бойынша. «Өрлеу» Біліктілікті арттыру ұлттық орталығы» (240 сағат).

6. Кәсіби ұйымдарға мүшелігі: ҚР білім беру кәсіподақ ұйымының мүшесі

7. Сыйақылар мен марапаттаулар: -  «ҚР ғылымының дамуына қосқан үлесі үшін» төс белгісі

8. Қызмет саласындағы әрекеті (мекеме ішінде және одан тыс): - мекемеден тыс жеке кәсіпкерлік

9. Соңғы бес жыл ішіндегі ең маңызды  жарияланымдары мен презентациялары:

  1. Кадирбаева Р.И. Болашақ информатика мұғалімін кәсіби даярлауда заманауи білім беру технологияларын пайдалану. // Поиск. Научный журнал, - Шымкент, 2012 . - N 3-6. Б.131-139.
  2. Кадирбаева Р.И.  Болашақ мұғалімдерді оқушылардың шығармашылық қабілетін дамытуға кәсіби  даярлау:  теориясы және практикасы. Монография. - Түркістан: МКТУ им. А.Ясави, 2013.- 319с.
  3. Кадирбаев Р.И. Образовательные технологии как совокупность способов реализации учебного процесса. // Научно-методический и теоретический журнал «Социосфера». – 2013. – N 1. С.93-96.
  4. Кадирбаева Р.И. Мethods of using modern teaching technologies in development of pupils’ creative abilities. // Журнал  «Перспективы науки» -2013.-N 3. С.179-183.
  5. Кадирбаева Р.И., Нышанова С.T., Беркінбаев K.M., Еркибаева Г.Г. Pedagogical bases of professional training of future teachers – mathematicians to development of pupils’ creative abilities // Life Science Journal 2013. –Vol.10(8s) Impact Factor_2012:0.165 (journal Citation Reports Thomson Reuters SSR_2012:0,13 (Scopus)). - P.421-425.
  6. Кадирбаева Р.И., Сазабаева А. Цифрлық білім ресурстары және оларды оқу үдерісінде тиімді пайдалану. «Бәсекеге қабілетті ғылым және білім  жолында:адам капиталының жаңа мүмкіндіктері мен даму келешегі» Материалы международной научно-практической конференции. Май,  2014. г Актюбе. Б. 55-61.

Кафедра тарихы

Физика-математика кафедрасының негізі 1938 жылы қаланған. 1938-1945 жылдары кафедра меңгерушісі Швейцарияда Берн университетін бітірген  С.Г.Шейнессон болды. 1945-1954 жылдары бұл кафедра екіге бөлініп, математика (меңгерушісі  С.Г.Шейнессон) және физика (меңгерушісі 1945-1948 жылдары Г.В.Горячко, 1948-1957 жылдары И.Г.Юделевич, 1957-1971 жылға дейін А. Ә.Арипов) кафедралары ұйымдастырылды.

            Мұғалімдер институты педагогикалық институт болып қайта құрылғаннан соң Математика кафедрасының меңгерушісі болып доцент И.П. Цой сайланды. 1956 жылы бұл кафедра екіге бөлінді: Элементар математика кафедрасы (меңгерушісі Қ.Б. Бектаев) және Жоғары математика кафедрасы. Бұл кафедраның меңгерушілері қызметін доцент А.Г. Цой, И.П.Цой, М.Абенова,  Л.И.Мамаев және Ж.Қ.Қырғызбаев  атқарды.

            Геометрия және математиканы оқыту әдістемесі  кафедрасы 1970 жылы ашылып, оның меңгерушісі қызметін әр жылдары доцент  А.И.Мостовой, доцент М.Абенова, доцент Ш.М.Ильясов, доцент Қ.Абдрахманов  атқарды.

         1997 жылы бұл кафедралар Жоғары математика кафедрасына біріктіріліп, оның меңгерушісі қызметін доцент Қ.Абдрахманов (1997-2004), доцент Н.Иманбаев (2004-2007), доцент Қ.Абдрахманов  (2007-2011) атқарды.

        Физика кафедрасы 1971 жылы  Теориялық физика және механика және  Жалпы физика болып екі кафедраға  бөлінді. Теориялық физика және механика кафедрасының меңгерушісі қызметін доцент П.А.Абдыкаримов (1971-1981), доцент Н.Н.Қарабеков (1981-1983), доцент Ұ.Б.Байтасов (1983-1987), доцент Т.И.Грызунова (1987-1991) сынды ғалым-педагогтар атқарды. Ал Жалпы физика кафедрасын 1972-1982 жылдары доцент Ш.С.Серікбаев, 1981-1992 жылдары доцент Ж.Қ.Алматов  басқарды.

          1991 жылы физика мамандарын даярлайтын Физика, Физиканы оқыту әдістемесі және ОТҚ кафедралары қайта ұйымдастырылды. Физика кафедрасын доцент А.Агулыков (1992-1996), ал Физиканы оқыту әдістемесі және ОТҚ кафедрасын доцент А.Б.Каримова (1991-1996) басқарды. 1995-1996 жылында бұл кафедралар біріктіріліп Физика кафедрасы болып қайта құрылды. 1996-2003 жылдар аралығында Физика кафедрасын ҚР жаратылыстану академиясының академигі, профессор А.Н. Бахтыбаев, 2003 жылдан 2011 жылдың шілдесіне дейін доцент Т.Д.Бердалиева  басқарды.

         2012ж Кәсіптік оқыту мамандығының бөлінуіне байланысты Математика, физика және кәсіптік оқыту кафедрасы Физика-математика кафедрасы болып қайта құрылды. Кафедра меңгерушісі қызметін ф-м.ғ.к. Д.Т.Бердалиев атқарды. Бүгінгі күндері кафедрада 18 оқытушы-профессорлар жұмыс істейді, олардың 3-і ғылым докторы, 10-і ғылым кандидаты, 1- аға оқытушы, 4-оқытушы. Кафедраның ғылыми әлеуеті 72%.

         Кафедрада Республикаға танымал профессорлар Д.Рахымбек, М.Д.Шыныбаев, М.Ж.Жұмабаевтар қызмет жасауда.

Кафедраның профессоры  М.Шыныбаев «Жасанды Жер серігінің орталық орбиталары» тақырыбында ҚР «Ғарыштық зерттеу» орталығымен тығыз байланыста ғылыми-зерттеу жұмыстарын жүргізіп келеді. Оның осы бағытта 4 монографиясы және көптеген мақалалары жарық көрді,  сонымен бірге 2013 жылы Америкада және Алматыда өткізілген дүниежүзілік конгрестерге қатысты.  Профессор Д.Рахымбек Мектепте математиканы оқыту әдістемесі және мұғалімдерді кәсіптік дайындау мәселесі бойынша ғылыми зерттеу жұмыстарын жүргізуде. Профессордың осы бағытта 180-нен астам ғылыми мақалалары және 50-ге жуық оқу-әдістемелік құралдары жарық көрген. Математиканы оқыту әдістемесінен жазған еңбектері мектеп мұғалімдерінің және студенттердің әдістемелік дайындығына қосқан үлесі зор. Профессор М.Жұмабаев қолданбалы есептерді шешуге айнымалы коэффициентті дифференциалдық теңдеулер жүйесін қолдану бағытында зерттеу жұмыстарын жүргізуде.

         Кафедра ғалымдары ғылыми-зерттеу жұмыстарын төмендегі ТМД жоғары оқу орындарымен тығыз байланыста атқарады: Тольяти университеті, Курск мемлекеттік университеті, Мәскеу педагогикалық университеті, Қырғыз мемлекеттік университеті, ТашПИ, Омск мемлекеттік университеті,   Новосибирск мемлекеттік университеті.

2013-2014 оқу жылында «Физика-математика» кафедрасы дайындап шығаратын 5В011000-Физика мамандығының 2-курс студенті Рахматулла Зейнулла кафедра оқытушылары Д.Бердалиев және Б.Рахашевтың жетекшілігімен Оңтүстік Қазақстан облысы жас ғалымдарының зерттеулеріне қолдау көрсетуге бағытталған инновациялық жобалар байқауына қатысып Физика саласы бойынша жеңімпаз атанды. Оған облыстық жастар саясаты мәселелері басқармасы атынан 750000 теңге сертификаты берілді.

 Кафедарада ұтқырлық бойынша жұмыстар да жүйелі іске асырылуда. Тараз мемлекеттік педагогикалық институты физика кафедрасымен тығыз байланыс орнатылған. 2013-2014 оқу жылында физика мамандығынан 1 студент, 2014-2015 оқу жылында 2 студент, аталған оқу орнына бір сесметрге оқуға жіберілді және ол оқу орнынанда студенттер келіп білім алуда.

2014-2015 оқу жылында физика лабораториялары 12 338 700 теңгеге жаңа құрал- жабдықтармен жабдықталды.

доцент Парманов М.Қ. Электр және магнетизм пәнінен лабораториялық сабақ

доцент Бердалиева Т.Д. Физиканы оқыту әдістемесі 

ф.-м.ғ.к., Рахашев Б.Қ. Физика пәнінен лабораториялық сабақ