Тарихы

Жалпы мәлімет

ОҚМПИ заман талабына сай Ел президенті Н.Назарбаевтың «Қазақстан жолы-2050 бір мақсат, бір мүдде, бір болашақ» атты 2014 жолдауындағы ел алдындағы болашақ стратегиялық жоспарларды іске асыру мақсатында түрлі деңгейдегі іс-шараларды жүзеге асырып келеді. Соңғы бес жылда ауқымды, болашақ үшін аса маңызды жұмыстар атқарылды.

Келешекте институтты халықаралық деңгейде танымал ету мақсатында шетелдік университеттерімен тығыз байланыстар орнатып, жүйелі жұмыстар жүргізілуде. Оқу ордасы жақын болашақта автономиялы білім беру мекемесіне айналуды өзінің басты мақсаты етіп қойды.

Сол мақсатты жүзеге асырудың алғашқы іс-шараларының бірі ретінде Назарбаев университеті моделі негізінде институттың дербестігін кеңейту үшін ішкі құрылымдық өзгерістер жасалды.

Оңтүстік Қазақстан мемелекеттік педагогикалық институтының Ғылыми кеңес шешімімен және институт ректоры Оңалбай Аяшұлы Аяшевтың институт құрылымына өзгерістер енгізу туралы 29.08.2016ж. №4-32 бұйрығы негізінде «Физика және математика» факультеті мен «Жаратылыстану» факультеті бірігіп,  «Жаратылыстану» факультеті болып қайта құрылды. Факультеттің деканы қызметін ауыл шаруашылығы ғылымдарының кандидаты, доцент м.а. Алпамысова Гүлжайна Байғонысқызы атқаруда.

Қазіргі уақытта  «Жаратылыстану» факультетінде 5 кафедра жұмыс жасайды. Олар: «Физикаөматематика кафедрасы», «Информатика кафедрасы», «Химия кафедрасы», «Биология кафедрасы» және «География кафедрасы».

Бүгінде факультеттің профессор-оқытушылар құрамының жалпы саны – 61, оның ішінде ғылым докторлары мен профессорлары – 10, ғылым кандидаттары мен доценттер – 31, аға оқытушылар, ғылым магистрлері мен оқытушылар саны – 20. Жаратылыстану факультетінің кадрлық әлеуеті- пайыз.

Жаратылыстану факультетінің құрамына төмендегі мамандықтар кіреді:

1.5В010900-«Математика»

2.5В011000-«Физика»

3.5В011100-«Информатика»

4.5В011200-«Химия»

5.5В011300-«Биология»

6.5В011500-«Құқық және экономика негіздері»

7.5В11600-«География»

8.5В012500-«Химия-Биология»

9.5В012600-«Математика-Физика»

10.5В012700-«Математика-Информатика»

11.5В012800-«Физика-Информатика»

12.5В012900-«География-Тарих»

НЕГІЗГІ АҚПАРАТТАР

Жаратылыстану факультетінің деканы қызметін техника ғылымдарының кандидаты, ОҚМПИ қауымдастырылған профессоры Ғ.И.Исаев атқаруда. Ғани Исаұлы Қ.А.Ясауи атындағы ХҚТУ 030340-Химия және биология мамандығын бітіріп, сол жоғары оқу орынның 6N0113-Биология (магистратураны) мамандығын үздік дипломмен бітірген. 2005-2014 жылдар аралығында Қ.А.Ясауи атындағы ХҚТУ-да магистр оқытушы, колледжде директордың оқу ісі жөніндегі орынбасары, колледж директоры, Қ.А.Ясауи атындағы ХҚТУ-дің аға оқытушысы, доценті қызметтерін атқарған. 2010 жылы Қ.И.Сәтбаев атындағы Қазақ Ұлттық техникалық университетінде 25.00.36-геоэкология мамандығы бойынша кандидаттық диссертация қорғаған. 2013 жылы ХҚТУ, Биология кафедрасының доценті, 2014 жылдың 2 қыркүйегіннен 2015 жылдың 15 маусымына дейін Оңтүстік Қазақстан мемлекеттік педагогикалық институты Биология кафедрасының меңгерушісі, доценті қызметін атқарды. 2015 жылдың 15 маусымынан 2016 жылдың наурызы аралығында Жаратылыстану факультетінің деканы, 2016 жылдың наурызы мен 2017 жылдың наурызы аралығында әкімшілік шаруашылық істер жөніндегі проректор, ғылыми істер жөніндегі проректор қызметтерін атқарды. Бүгінгі таңда 2 импакт-факторлы мақаланың, 1 патенттің, 100-ден аса ғылыми және әдістемелік мақалалары және бес оқу құралдары, 2 монографиясы жарық көрген. «Qurmet» қоғамдық бірлестігінің «Білім беру ісінің үздігі» медалімен марапатталған.