Әкімшілік

Факультет деканы

Оразбаева Эльмира Бейсенбаевна

Филология ғылымдарының кандидаты

 

Оразбаева Эльмира Бейсенбаевна 1995 жылы Қ.А.Ясауи атындағы Халықаралық қазақ-түрік университеті Шымкент бөлімінің орыс мектебіндегі қазақ тілі мен әдебиеті мамандығын үздік дипломмен бітірген.

1995 жылы  Қ.А.Ясауи атындағы Халықаралық қазақ-түрік университеті Шымкент бөлімінің «Практикалық қазақ тілі және қазақ тілін оқыту әдістемесі» кафедрасына оқытушы қызметіне қабылданған. 2002 жылы «Түркітаным» кафедрасының аға оқытушысы қызметіне ауыстырылды.

2010 жылы ҚР БжҒМ Ғылым комитеті А.Байтұрсынұлы атындағы Тіл білімі институтында ф.ғ.д., профессор Е.Ә.Керімбаевтың жетекшілігімен «Ә.Кекілбаевтың тарихи романдарындағы жалқы есімдердің этномәдени, лингвостилистикалық, линговонцептологиялық ерекшеліктері» деген тақырыпта 10.02.02-қазақ тілі мамандығы бойынша кандидаттық диссертация қорғаған.

2011-2012 оқу жылынан бастап Оңтүстік Қазақстан мемлекеттік педагогикалық институты Тіл білімі кафедрасының аға оқытушысы, филология факультетінің декан орынбасары, ғылыми мектеп директорының орынбасары, филология ғылыми мектебінің директоры, «Бастауышта оқыту әдістемесі» кафедрасының меңгерушісі, «Бастауыш білім», «Бастауыш білім және педагогика» факультеттерінің деканы қызметтерін атқарған.

2013 жылы «Үздік тәлімгер», 2017 жылы «Студент жанашыры»  сертификатымен және ҚР БжҒМ «Құрмет грамотасымен» марапатталған.

Э.Б.Оразбаева «Мемлекеттік тілді меңгертуде жүргізілетін бақылау жұмыстары», «Мемлекеттік тілді меңгертуде жүргізілетін лексикалық минимум» (Д.Молдалиевамен бірге), «Қазақ тілі» (Б.Ысқақапен бірге) т.б. оқу-әдістемелік құралдар мен 56 астам ғылыми мақалалардың авторы.

Амирханов Азамат Бауыржанұлы

Декан орынбасары

Амирханов Азамат Бауыржанұлы, 01.03.1991ж.  Өзбекстан Республикасы, Жиззах облысы, Шымқорған ауылында дүниеге келген. 1998 жылы Шымқорған ауылындағы №20 Ы.Алтынсарин атындағы жалпы орта мектебіне бірінші сыныпқа барады. 2009 жылы Шымкент қаласындағы №83 жалпы орта мектепті бітіріп, әл-Фараби атындағы Қазақ ұлттық университетінің Философия және саясаттану  факультетінің күндізгі бөліміне оқуға түскен. Аталған университетті Мәдениеттану мамандығы бойынша бакалавриат (2009-2013ж.ж. аралығында),  магистратурада (2013-2015 ж.ж.аралығында) оқып, «Гуманитарлық ғылымдарының магистрі»  ғылыми дәрежесін алады. 2015 жылдан бастап Оңтүстік Қазақстан мемлекеттік педагогикалық университетінде магистр-оқытушы,    2018-2019 оқу жылынан бастап Педагогика-гуманитарлық  факультетінің деканының орынбасары қызметін  атқаруда.