Тарихы

Кафедра тарихы

«Мектепке дейінгі  және арнайы педагогика» кафедрасы 2015 жылғы 5 мамырдағы Ғылыми Кеңестің кезектен тыс мәжіліс шешімімен және ОҚМПИ ректорының №4-329 бұйрығының негізінде «Мектепке дейінгі тәрбие және дефектология» кафедрасы болып құрылды. Оқу орнымызда 2011 жылдан 6В01201-Мектепке дейінгі тәрбиелеу және оқыту, 6В01901-Арнайы педагогика мамандарын даярлау бағыттары бойынша бакалаврларды дайындайды. Кафедрада 12 ғылым кандидаты, 1 PhD, 6 аға оқытушы, 8 магистр-оқытушы жұмыс жасайды.  Ғылыми әлеуеті – 44,4 %.

Кафедраның аға оқытушысы Ж.Б. Балажанова «Ы.Алтынсарин» (2015) төсбелгісінің,  ф.ғ.к., доцент Ж.А.Масалиева «Білім беру ісінің үздігі» медалінің (2013) иегерлері, ф.ғ.к., аға оқытушы К.Н. Даркулова «Жоғары оқу орнының үздік оқытушысы» (2005), п.ғ.к., аға оқытушы Т.Ә.Тұрмаханова ҚазТест сарапшысы.

Білім беру барлық мамандықтарда мемлекеттік және орыс тілдерінде жүргізіледі. 5В010100-Мектепке дейінгі оқыту және тәрбиелеу/6В01201-Мектепке дейінгі тәрбиелеу және оқыту, 5В010500-Дефектология/6В01901-Арнайы педагогика мамандарын даярлау бағыттары бойынша 487 студент оқиды. Білім беру процесінде көптілді білім беру бағдарламасы бойынша 20 студент 50% – оқыту тілінде, 30% – екінші тілде, 20% – ағылшын тілі үлесі бойынша білім алуда.

2018-2019 оқу жылында 7М010100-Мектепке дейінгі оқыту және тәрбиелеу, 7М010500-Дефектология мамандықтары бойынша магистратруа ашылды. Қазіргі таңда 5 магистрант білім алуда.

Кафедраның 3 оқытушы Абай атындағы ҚазҰПУ докторантурасында білім алуда.

 Академиялық ұтқырлық бойынша кафедра Польша, Түркия, Латвия, Ресей елдерінің жоғары оқу орындарымен тығыз байланыс орнатқан. Факультеттің профессор-оқытушылар құрамы мен студенттері алыс және жақын шетелдерде біліктілігін арттырып, тағлымдамадан өтуде. Студенттердің шетелдерде білім алуына, ғылыми-зерттеу жұмыстарымен айналысуына мүмкіндік жасалған. Халықаралық келісім негізінде Бургас Свободен университетінің (Болгария), Низами атындағы Ташкент мемлекеттік педагогикалық университеті, Н.Г.Чернышевский атындағы Саратов мемлекеттік ұлттық зерттеу университетінің (Ресей) «Логопедия және психолингвистика», «Мектепке дейінгі педагогика» кафедраларының ғалымдарымен байланыс орнатылған.

Кафедраның профессор-оқытушылар құрамы мен студенттері алыс және жақын шетелдерде біліктілігін арттырып, тағлымдамадан өтуде: аға оқытушылар К.Н.Даркулова Цукуба университетінде (Жапония), С.Ә.Тұрмаханова Лиссабон университетінде (Португалия), Д.Қожабаева Гази университетінде (Түркия), Ұ.Ж.Құдайбергенова Н.П. Драгоманов атындағы ұлттық педагогика университетінің коррекциялық педагогика және психология институтында (Украина), Ж.М. Каипова мен Б.А.Аяпова Мәскеу мемлекеттік педагогикалық университетінде, А. Шатаева Бургас Свободен университетінде (Болгария).

2018-2019 оқу жылында АРТА (НААР) тәуелсіз агенттігінің «Жоғары оқу орындарының ұлттық рейтингі – 2019» ұлттық рейтінгісінде 5В010500 - «Дефектология» мамандығы 2-орын, 6М010500- «Дефектология» – 3-орын, 5В010100 - «Мектепке дейінгі оқыту мен тәрбиелеу» мандығы 4-орынды иеленді.