Жаңалықтар

ОҚМПУ ректорының міндетін атқарушы тағайындалды

11.02.20

Оңтүстік Қазақстан мемлекеттік педагогикалық университеті ректорының міндетін атқарушы болып тарих ғылымдарының кандидаты, доцент Гүлжан Дәулетбекқызы Сүгірбаева тағайындалды. Оны оқу ордасының ұжымына ҚР Білім және ғылым министрлігі жоғары және жоғары оқу орнынан кейінгі білім беру департаменті директорының орынбасары Ержан Іргебаев таныстырды. Университет ұжымы Гүлжан Дәулетбекқызын жаңа қызметімен құттықтайды!

Оқытушы-профессорлар құрамының айлық жалақысы өсті

31.01.20

Оңтүстік Қазақстан мемлекеттік педагогикалық университетінің басқарма төрайымы – ректор Каирбекова Анар Мерекеқызының шешімімен оқытушы-профессорлар құрамының айлық жалақысы бюджеттен тыс қаржы есебінен 30 пайызға өсті.
Қазақстан Республикасының Президенті Қ.К.Тоқаевтың білім беру сапасын арттыру және педагогтарды қолдау туралы тапсырмасына сәйкес орындалған бұл шешімді ұстаздар қауымы үлкен қуанышпен қарсы алды. Университет ректоры оқытушылар айлығының өсуі ғалымның қоғам алдындағы беделін арттырады деп есептейді.

ӘЛЕМНІҢ ЕКІНШІ ҰСТАЗЫ ӘБУ НАСЫР ӘЛ-ФАРАБИДІҢ ҒЫЛЫМИ-ӘДЕБИ ӘЛЕМІ

31.01.20

Оңтүстік қазақстан мемелекеттік педагогикалық университетінде Әбу Насыр әл-Фарабидің 1150 жылдық мерейтойына арналған «ӘЛЕМНІҢ ЕКІНШІ ҰСТАЗЫ ӘБУ НАСЫР ӘЛ-ФАРАБИДІҢ ҒЫЛЫМИ-ӘДЕБИ ӘЛЕМІ» атты халықаралық ғылыми-тәжірибелік конференциясы өтті. Конференцияға Алыс-жақын шетелдерден,  Қазақстан республикасы ЖОО, ғылыми-зерттеу орталықтары  мен орта мектептерден 140 тан аса мақалалар келіп түсті.

Ұлттық қолөнер-құнды қазына

30.01.20

Оңтүстік Қазақстан мемлекеттік педагогикалық университеті кәсіби-шығармашылық факультетінің 4 курс  студенттері курстық жұмыстарын қорғап шықты.  Олар жұмыстарына тақырып етіп киіз басуды  таңдаған. Киіз басу- қазақ халқының  дәстүрлі әрі көпшілікке кеңінен танымал өнері. Курстық жұмысын сәтті қорғап шыққан студенттер енді мұнымен шектелгісі келмей отыр. Бұл тақырыпты дипломдық жұмыстарына негіз етіп алмақ.

Испандық ғалым дәріс оқуда

29.01.20

Оңтүстік Қазақстан мемлекеттік университетінің студенттері Испанияның  Хавьер Родригес Иларри атындағы политехникалық университеті профессорынан дәріс тыңдауда. Білім ордасы шетелдік ғалымды жаратылыстану факультеттері,  химия және биология мамандығын игеріп жатқан жастарға білім беру ісіне  шетелдік мамандарды қатыстыру мемлекеттік бағдарламасы аясында шақырып отыр.  Испандық ғалым  енді университет студенттеріне 1 ай бойы дәріс оқиды.  Мұндай әріптестік академиялық ұтқырлықты дамытып, халықаралық  байланыстарды нығайта түспек.

Онлайн-семинарға қатысты

27.01.20

Оңтүстік Қазақстан мемлекеттік педагогикалық университеті педагогика-гуманитарлық факультетінің оқытушылары республикалық онлайн семинарға қатысты. Басқосуды Қ.Жұбанов атындағы Ақтөбе мемлекеттік университеті ұйымдастырды. Семинарда Ақтөбе, Шымкент, Көкшетау мен Қызылорда облысының педагогтары кәсіби жетістіктерді жаңғырту жайын сөз етті. Тақырыпқа байланысты Оңтүстік Қазақстан мемлекеттік педагогикалық университетінің оқытушысы, педагогика ғылымдарының докторы А. Доспенбетова орта мектептерде білім сапасын арттырудың шетелдік әдіс-тәсілдері туралы баяндама оқыды.

Студенттер тәжірибеден өтіп жатыр

22.01.20

Оңтүстік Қазақстан мемлекеттік педагогикалық университетінің студенттері Шымкент қаласындағы мектептерде тәжірибеден өтіп жатыр. Болашақ педагогтарға бағдар беру мақсатында өткізілген конференцияда ұстаздар сабақ өту, баламен жұмыс, күнделік жүргізу тәртібін түсіндіріп береді. Бүгінгі таңда 1 мың 300 студент шаһардағы 69 мектепте тәлімгерлердің жетекшілігімен сабақ өтуде. Олар өздерінің алғашқы дәрістері жайлы университет сайтына қызықты ақпараттар жариялай бастады. Тәжірибе кезінде өзін кәсіби маман  ретінде таныта алған студенттер болашақ жұмыс орнын да айқындап алмақ.

Информационное письмо

22.01.20

Құрметті әріптестер!

         Сіздерді Оңтүстік Қазақстан мемлекеттік педагогикалық университетінде өтетін Әбу Насыр әл-Фарабидің 1150 жылдық мерейтойына арналған «Әлемнің екінші ұстазы Әбу Насыр әл-Фарабидің ғылыми-әдеби әлемі» атты халықаралық  ғылыми-тәжірибелік конференциясының жұмысына қатысуға шақырамыз.

Беттер

Subscribe to RSS - Жаңалықтар