Жаңалықтар

Жастар жылының игілігі

12.04.19

   Еліміздің тұңғыш Президенті,Елбасы Нұрсұлтан Назарбаевтың 5 әлеуметтік бастамасы  шеңберінде ОҚМПУ-де жаңадан салынған  студенттер үйі жастардың игілігіне берілді. Соның арқасында оқу ордасының 350 студенті сәулетті, заманауи қажеттіліктерге сай жабдықталған қонысқа жайғасты.

Сүйінші ''Студенттер үйі ашылды''

08.04.19

6 cәуір 2019 ж. күні Оңтүстік Қазақстан мемлекеттік педагогикалық университетінің Елбасы Нұрсұлтан Әбішұлы Назарбаевтың «Президенттің бес әлеуметтік бастамасы» атты халыққа үндеуін іске асыру аясында салынған 350 орындық №4 Студенттер үйінің ресми ашылу іс-шарасы өтті.

Шымкентте «Студенттер үйі» ашылды

08.04.19

Шымкентте Оңтүстік Қазақстан мемлекеттік педагогикалық университетінің жаңа 350 орындық жатақханасы пайдалануға берілді. Аталған Студенттер үйі Елбасының «Бес әлеуметтік бастамасы» аясында ашылды. 

Университет өз түлегіне құрмет көрсетті

03.04.19

Оңтүстік Қазақстан Мемлекеттік Педагогикалық Университетіндегі № 312-аудиторияға  ақын, сазгер Әкім Ысқақтың есімі берілді.  Елге танымал қоғам қайраткері  осы университеттің 1982 жылғы түлегі.  Мұндай ұсыныс  оқу ордасы  басшылығы тарапынан жасалды. Осыған орай өткізілген салтанатты жиында қоғам қайраткерінің  еңбек жолы мен атқарған істері жайлы естеліктер айтылды. Өнерпаздар сазгердің  әндерін орындап,   өлеңдерін жатқа оқыды.

Жігіттің сұлтаны мен ару бойжеткенді таңдады

01.04.19

"Әз Наурыз" мерекесіне орай ОҚМПУ-де  факультеттер арасында "Жігіт сұлтаны" және "Қыз Жібек ару" өнер, білім, сән сайысы өткізілді. Ондағы мақсат  өскелең ұрпаққа қазақи  дәстүр мен салтты, бозбала мен бойжеткеннің бойынан табылуы тиіс  ізгі қасиеттерді  таныту болды. Жастардың ерекше қызығушылығын туғызған  байқауда  филология факультетінің 2 курс студенті Балқыбек Нұрислам "Жігіт сұлтаны" атанса, "Қыз Жібек ару"  бас жүлдесін  педагогика-гуманитарлық факультетінің 1 курс студенті - Сандыбай Аида иеленді.

Университетіміздің «Қыз жібек аруы-2019» таңдалды   

01.04.19

Педагогика кафедрасы, әлеуметтік педагогика және өзін-өзі тану» мамандығының 1 курс студенті Аида Сандыбай университеттің жастар саясаты бөлімінің ұйымдастыруымен өткен «Жігіт сұлтаны – Қыз жібек аруы» байқауында бас жүлдені иеленіп, «Қыз жібек аруы - 2019» атанды.

Оқу ордасының аруына толағай табыстар тілей отырып, оған жетекшілік еткен Перизат Санатбайға еңбегі үшін алғыс айтамыз!

Құттықтаушылар: Педагогика және психология кафедрасы ұжымы және кафедра меңгерушісі п.ғ.к.доцент Шолпан Жақсылыққызы Арзымбетова.

Көңілдерді шуаққа бөлеген мереке

11.03.19

Қыз-келіншектердің халықаралық мерекесіне орай ОҚМПУ-де салтанатты жиын өтті. Білім ордасының ректоры Оңалбай Аяшев ұжымдағы аруларға жүрекжарды құттықтау лебізін айтып, барлығына бірдей бағалы сыйлықтар табыстады. Әйел-аналардың қоғам даму мен ұрпақ тәрбиесіндегі айырықша үлесіне тоқталған оқу ордасының басышысы арулардың тіршіліктің тірегі, көңілдерді шуаққа бөлейтін ізгі жандар екенін айтты. Мереке соңы студенттердің ұйымдастырған концертіне ұласты. Кеште абаз жүректі аналар мен аяулы жандарға арналған өлеңдер оқылып, әндер шырқалды.

"Айка" фильмін тамашалады

22.02.19

ОҚМПУ-і студенттері "Канн" кинофестивалінің жүлдесіне ие болған "Айка" көркем фильмінің Шымкент қаласында өткен тұсаукесер көрсетілімін тамашалады. Олар көрсетілімнен соң фильмнің басты кейіпкерін сомдаған актриса Самал Еслямовамен  жүздесіп, ықылас гүлін сыйлады. Сондай-ақ фильм режиссері Сергей Дворцевоймен де пікірлесті. Әңгіме барысында студенттер туындыны түсіру кезеңдері, шығарманың көркемдік шешімі, актерлардың шеберлігі жайына қанықты.

Беттер

Subscribe to RSS - Жаңалықтар