ОҚМПУ-де  Елбасы Н. Назарбаевтың жуырдағы «Қазақстандықтардың әл-ауқатының өсуі: табыс пен тұрмыс сапасын арттыру» атты халыққа арнаған Жолдауын насихаттау және түсіндіру бойынша аймақтық сарапшылар кездесуі өтті. Маңызды жиынға  Қазақстан стратегиялық зерттеулер институты өкілдері, Шымкент қалалық әкімдігі мамандары мен оқу ордасының ғалымдары қатысты.

             ОҚМПУ-і жаңа оқу жылын жетістіктермен бастады. Оқу ордасында бұған дейін 3 жарым мыңдай студент білім алып келген болса, биыл олардың қатары 5 мыңға жетті. Білім шаңырағының дипломын алуға талаптанған шәкірттердің дені Ресей, Қытай, Өзбекстан және Түркіменстан мемлекеті секілді таяу шет елдердің жастары. Жалпы бүгінгі таңда университетте 800-ден астам  шетелдің талапкерлері білім алуда.

Университетте Ғылыми кеңестің алғашқы ашық отырысы өтті. Жиында атқарылған істер сараланып, биылғы оқу жылының жұмыс жоспары түзілді. Басқосуда сондай-ақ Ғылыми кеңестің жаңа құрамы жасақталды. Университет ректоры Оңалбай Аяшев ұжымға жаңа құрамның мүшелерін таныстырды. Тағы бір жаңашылдық - биыл университетке ағылшын тілінде дәріс оқитын жас мамандар қызметке алынды.

«Нұр Отан» партиясының хатшысы Дүйсенова Тамара Қасымқызы «Нұр Отан» партиясының делегациясымен Оңтүстік Қазақстан мемлекеттік педагогикалық университетінің археологиялық бөлімінің «Өркениеттер ағынындағы Ұлы дала елі» (100 мыңжылдық - XII ғасыр) көрмесімен танысты. Университеттің «100 жаңа оқулық» және «Назарбаев орталығының» коворкинг орталығына барып, Елбасы Н.Ә.Назарбаевтың туындыларын ұсынды.