Құрметті ұстаздар, әріптестер, студенттер!

Сіздерді кәсіби мерекеміз – Ұстаздар күнімен құттықтаймын!

Ұстаз – ұлағатты есім. Адам баласын білім нәрімен сусындатып, тәлім-тәрбие беріп, адами қасиеттерді шәкірт бойына дарытуда, адамгершілік рухта бағыт-бағдар беруде ұстаздың еңбегі орасан.

Құрметті Әбдімәлік Манапұлы, Оңтүстік Қазақстан мемлекеттік педагогикалық университетінің ұжымы сізді 75 жасқа толған мерейтойыңызбен шын жүректен құттықтайды! Ұлағат иесі ретінде  ізденімпаз, еңбексүйгіштік қасиеттеріңізбен жастарға үлгі-өнеге көрсетіп, бар күш-жігері мен терең ой-білімін Отанымыздың өсіп-өркендеуіне арнап келе жатқан ардақты азамат, ұлағатты ұстаз-ғалымсыз. Саналы ғұмырыңызды елдің ұйытқысы, жақсы істердің бастамашысы болуға жұмсап келесіз. 

Қазақстан Республикасының Президенті Н.Ә.Назарбаевтың Жарлығымен ОҚМПУ ректоры, ҚР ҰҒА корреспондент-мүшесі, педагогика ғылымдарының докторы, профессор, ОҚО, Мақтарал ауданының «Құрметті азаматы», Түркістан облыстық мәслихатының депутаты Оңалбай Аяшев «Парасат» орденімен наградталды. Білім ордасының ұжымы Оңалбай Аяшұлын марапатымен құттықтай отырып, шығармашылық табыс, отбасына амандық, деніне саулық тілейді.

Қазақстан Республикасы Үкіметінің қаулысымен Оңтүстік Қазақстан мемлекеттік педагогикалық университеті елімізде алғашқылардың бірі болып, 100 пайыз мемлекет үлесіндегі коммерциялық емес акционерлік қоғам болып қайта құрылды. Оқу ордасын жаңа құқықтық мәртебесімен құттықтаймыз!

Физика-математика кафедрасының PhD докторы  Пазылбек Сапарғали Аспандиярұлын  әлемнің 26 мемлекетінен  80 –ге жуық ғалымдар   қатысқан  Латвия Республикасының жариялаған Латвия мемлекеттік стипендиясының (Latvian State scholarship)  конкурсына  қатысып, ғылыми-зерттеу жұмысын жүргізу  бойынша 28 стипендияттың бірі  атануымен  шын жүректен құттықтаймыз. Деніңізге саулық,  ғылыми ізденістеріңізге  сәттілік тілейміз.